Një 44-vjeçar me profesion menaxher financiar, ka pranuar se ka varë gruan e tij. Ai është identifikuar si John P Grazioli, i cili akuzohet për vrasjen e gruas së tij, Amanda Grazioli, në shtëpinë e tyre në Pensilvani më 8 mars.
Menjëherë pas ngjarjes së rëndë ka shkuar në Katedralen e Shën Pjetrit ku ai pranoi vrasjen përpara Rev Michael Polinek. Policia ka bërë të mundur arrestimin e tij në kishë, ndërsa gjeti trupin e pajetë të Amanda Grazioli, në dhomën e gjumit të çiftit.
Prifti, Polinek tha se Grazioli ishte i armatosur dhe e kishte një armë në xhepin e xhaketës së tij. Policia më vonë konstatoi se arma ishte e njëjta që përdori për të vrarë gruan e tij Amanda Grazioli. Ai e kishte qëlluar me një plumb pas koke. Ende nuk dihet shkaqet e kësaj ngjarje të rëndë, edhe pse çifti kishte pasur shumë mosmarrëveshje. Çifti ishte martuar para pesë muajsh. Policia po punon për zbardhjen e ngjarjes.
