Bashkimi Evropian po synon që të nxisë udhëtimet e të rinjve në pjesën më të madhe të Evropës. Këtë verë do të bëhet realizimi i udhëtimeve për të rinjtë, ndërsa kjo eksperiencë do iu shërbejë që të njohin më shumë për bashkëmoshatarët e vendeve të BE-së-shkruan Tirana Today.
Komisioni Evropian ka ndërmarrë hapat e parë drejt zbatimit të një skeme që do t’i krijojë për 20,000-30,000 adoleshentëve një udhëtim falas në vendet e Bashkimit Evropian sapo të mbushin moshën 18 vjeç.Dega ekzekutive e BE ra dakord për të vënë në dispozicion 12 milionë euro, por shifra mund të rritet nëse deputetët më vonë vendosin ta shtrijnë atë në më shumë njerëz-shkruan Tirana Today.
Bileta treni, me vlerë deri në 510 € për udhëtim në muaj, u jep mundësi mbajtësve të udhëtojnë nëpër 30 vende në Evropë. Kjo lëvizje do të jetë pa kosto shtesë pothuajse në 32 rrjete hekurudhore.
Parlamenti Europian propozoi skemën në vitin 2016 për të inkurajuar të rinjtë, veçanërisht ata me të ardhura të ulëta, për të eksploruar kontinentin dhe për “të nxitur dhe njohur më tej identitet e vedneve evropiane”.
Pjesëmarrësit e parë do të udhëtojnë këtë verë.
Tibor Navracsics, Komisioneri i BE për Edukimin, Kulturën, Rininë dhe Sportin, ka deklaruar se : “Është e rëndësishme që t’u ofrojmë të gjithë të rinjve tanë mundësinë për të zgjeruar horizontet e tyre duke vizituar vende të tjera. Arsimi nuk është vetëm për atë që mësojmë në klasë , por atë që zbulojmë për kulturat dhe traditat e evropianëve tanë “.
Të rinjtë evropianë nga të gjitha shtetet anëtare kanë të drejtën e kalimit të lirë. Mund të përdoret gjithashtu për transport alternativ, si për autobusët ose anijet, në vendet që ndodhen jashtë rrjetit Interrail. Këto përfshijnë Estonia, Letonia, Lituania, Malta dhe Qiproja. Kostoja e ofrimit të një bilete falas Interrail për të gjithë qytetarët e BE-së që mbushin 18 vjeç është vlerësuar të jetë mbi 1 miliard euro. PËRSHTATI TIRANA TODAY
