Ish-ministri i Jashtëm i Shqipërisë, Paskal Milo ka analizuar zhvillimet e fundit në diskutimet mes Shqipërisë dhe Greqisë. Ai ka folur për qëndrimin e opozitës, deklaratat e Ramës dhe akuzat për pjesëtarët e negociatorëve. Milo ka theksuar se palët politike duhet të ishin bashkë në këtë proces, pasi nuk është një interes i një partie, por në mes “luhet” interesi kombëtar.
Deri tani diskutimet mes palëve janë bërë në parim, por sipas Milos, kjo pritet të finalizohet nëpërmjet negociatorëve të cilët do të zgjidhin problemet në terren. Sa i takon deklaratave të Ramës, Milo tha se ai e di mirë se kjo është një marrëveshje e kryer në parim, por fjalën e fundit e kanë grupet e negociatorëve mes të dyja vendeve.
Ndërkohë Milo nënvizoi se “patatja e nxehtë” në diskutimet mes Greqisë dhe Shqipërisë mbetet “Çamëria”. Teksa ka folur në rubrikën “Opinion” në “News 24”, Milo shtoi se kjo çështje nuk do të zgjidhet siç e kemi kërkuar apo dashur ne shqiptarët.
Ai foli edhe për Meçollarin, i cili u akuzua nga ish-kryeministri Berisha si një person që i shërben agjenturave të huaja dhe jo interesit kombëtar të Shqipërisë.
Ish-ministri deklaroi se prania e Meçollarit në grupin e negociatorëve është një fakt pozitiv dhe duhet të përshëndetur, duke lënë të kuptohet se deklaratat në oborrin e Kuvendit nuk i merr shumë në konsideratë.
Intervista e ish-ministrit të Jashtëm, Paskal Milo
Diskutimet mes Shqipërisë dhe Greqisë janë bërë në parim, ndërsa tashmë pritet që ata të finalizohen nëpërmjet negociatorëve të cilët marrin autorizimin.Edhe Rama flet me kaq pompozitet, pasi kjo është në nivel formal dhe politik. Nuk i marr në konsideratë serioziteti deklaratat në oborrin e Kuvendit.
Meçollari, është një fakt pozitiv përfshirja e tij në grupin e negociatorëve. Interesi politik i PD-së vetëm të kundërshtoj.Këtu duhet të ishin të pranishëm të dija palët. Edhe opozita duhet të tërhiqet nga një proces. Kjo është marrëveshja në interesin kombëtar dhe mirë është të ishin bashkë.
Patatja e nxehtë, edhe në këtë paketë nëse do të nënshkruhet partneriteti strategjik. Çështja çame që kërkojnë shqiptarët nuk ka për t’u zgjidhur sikur e duam ne. Unë mendoj se aktualisht nuk do të ketë ndonjë lëvizje esenciale.Interesi politik tejkalon interesin kombëtar. Edhe në rastin konkret, interesi i opozitës është që të sulmojë. Janë përdorur terma të egër edhe sot, si fjala “tradhtar”. Edhe përfaqësuesit e opozitës duhet të ishin pjesë e marrëveshjes, sepse me siguri ka ekspertët e tjerë. Edhe opozita duhet tërhequr në këtë proces, sepse nuk është dicka që nesër pasnesër një qeveri tjetër mund ta korrigjojë.
