300 rrënjë pishe i janë shtuar Ballkonit të Bunës në Tarabosh. Aktiviteti u zhvillua sot në kuadër të Ditës Kombëtare të Pemëve, nga EKO Mendje, Inspektoriati i Pyjeve Shkodër dhe Shkolla Teknike e Pyjeve Shkodër.
Aktiviteti u pasqyrua edhe në faqen zyrtare në Facebook të “EKO Mendje”, ku bëhet thirrje që të gjithë njerëzit të kujdesne për natyrën në mënyrë që edhe ajo të kujdeset për ne.
“Sot ne Diten Kombetare te Pemeve , EKO Mendje, Inspektoriati i Pyjeve Shkoder dhe Shkolla Teknike e Pyjeve Shkoder, mbollen 300 rrenje pishe ne Ballkonin e Bunes ne Tarabosh. Aty ku fidan pas fidani po krijohet nje kurore e gjelber e cila nje dite do jete pylli i Parkut Natyrore te Shkodres. ^_^
Kujdesuni per Natyren miq, sepse edhe ajo do kujdeset per ne!”, shkruhet në postim.
Edhe ministri i Turizmit dhe Mjedisit, Blendi Klosi ka publikuar një video të Anaisit, një 11-vjeçare e cila i është bashkuar fushatës për të mbjellë pemë në të gjithë vendin, ndërsa bën thirrje që të gjithë ne të kujdesemi për natyrën.
