Populli shqiptarë rezulton të jetë kombësia e tretë më e përjashtuar nga kontinenti evropian. Ndërsa në vendin e parë dhe të dytë renditen përkatësisht ukrainasit me 37 mijë hyrje të mohuara dhe rusët me 36 mijë hyrje të mohuara-shkruan Tirana Today.
Të dhënat e tilla raportohen nga “Frontex”, agjencia e Bashkimit Evropian që merret me menaxhimin e kufijve të përbashkëta në vendet e Bashkimit Evropian. Edhe pse Shqiptarët janë një ndër grupet kryesore që tentojnë kalimin e kufirit me dokumente false, por ky kriter nuk ka qenë baza e refuzimeve. Ndër 32 mijë raste, gati 11 mijë shqiptarë janë refuzuar për shkak se nuk kanë dokumentacionin përkatës që justifikon qëllimin dhe kushtet e vizitës.
8,363 shqiptarë kanë qenë në listën e alarmit për refuzimin e hyrjes në regjistrin kombëtar. 1,945 shqiptarëve u është mohuar hyrja për shkak se kishin qëndruar mbi 3 muaj gjatë periudhës 6-mujore në territorin e shteteve të BE, ndërsa kjo tregon edhe njëherësh së shqiptarët nuk kanë informacionin e duhur për rregullat e qëndrimit në BE. Por kjo nuk do të thotë se të gjithë kanë mungesë informacioni, por kushtet e jetesës në vendin e origjinës nuk kanë kushtet e mjaftueshme të jetesës.
9,331 shqiptarë janë refuzuar në kufijtë evropianë për shkak se nuk kanë patur mjetet e duhura të qëndrimit dhe nuk kanë patur para t’u rikthyer në vendin e origjinës.
Refuzimet ndaj shqiptarëve ka ndikuar në shtimin e rasteve të paligjshme të kufirit me 22 %, ndërsa të shprehura në shifra janë afro 6500 kalime të paligjshme. Kjo tregon se shqiptarët kanë më shumë rate ilegale se ç do shtet tjetër. TIRANA TODAY
