Komisioni i i Pavarur i Kualifikimit ka bërë me dije se ka ndërprerë vettingun për ish-kryeprokurorin e përgjithshëm Adriatik Llalla pak ditë pas refuzimit të dhënë lidhur me pozicionin në gjykatën e Apelit.
“Pasi mori dijeni për dorëheqjen e subjektit të rivlerësimit, z. Adriatik Llalla, më datë 12.02.2018, në zbatim të nenit G të Aneksit të Kushtetutës, vendosi ndërprerjen e procesit të rivlerësimit për subjektin e rivlerësimit, Adriatik Llalla. Vendimi do të publikohet në faqen zyrtare të internetit të këtij institucioni në zbatim të afatit të përcaktuar në nenin 55/7 të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë””, thuhet në njoftimin e Komisionit të Pavarur të Kualifikimit.
Në përbërje të trupës gjykuese për këtë çështje kanë qenë Roland Ilia si kryesues dhe Pamela Qirko e Olsi Komici si anëtarë.
