KUKËSI – TIRANA 1-0 (1-1)
Golat: Guri 4’
KUKËSI: Frashëri, Zderiç, Hoxha, Musolli, Rrumbullaku, Shkodra, Dzaria, Imami, Kale (Balde 72’), Bakaj (Idrizi 90+2′), Guri. Trajner: Peter Pakult
TIRANA: Lika, Kërçiku, Musa, Cake (Halili 68’), Hoxhallari, Daja, Karabeci, Sentamu, Muguna (Celhaka 46’), Greca, Ngo. Trajner: Ze Maria
Gjyqtarë: Juxhin Xhaja, Ergin Doda, Rejdi Avdo
Kartonë të verdhë: Zderiç 39’ / Daja 17’, Hoxhallari 83′
Kukësi nuk gabon në ndeshjen e kthimit në Kupën e Shqipërisë përballë Tiranës. Ndeshja e parë kishte përfunduar me rezultatin e barabartë 1-1 dhe Tirana kërkonte që përmes Kupës të arrinte europën. Goli i Gurit me kokë, që në minutën e 4-t, ka likuiduar fituesit në fuqi të Kupës.
Paraqitja e kryeqytetasve në pjesën e parë ishte shumë e dobët, por performanca e mirë e portierit bardheblu, Ilion Lika bëri që të mos pësonin shumë gola. Pjesa e dytë i ka parë bardheblutë më kërkues, në kërkim të golit të barazimit, por prapavija kuksiane është treguar e pakalueshme, edhe pse me mungesa. Në një moment, edhe për Kukësin është bërë hero portieri Frashëri, që ka pritur një predhë të Sentamu, apo shtylla e tij në minutën e 89-të, që i ka thënë “jo” goditjes me kokë të Ngoo.
Kukësi duke parë të pamundur mbrojtjen e trofeut në kampionat, pasi Skënderbeu është shkëputur shumë, i ka kthyer sytë nga Kupa për të mos e mbyllur pa trofe sezonin. Ata e kanë fituar vetëm një herë Kupën e Shqipërisë, ndërsa Tirana mbetet rekordmenia e saj, me 16 triumfe.
LUFTËTARI – LAÇI 0-1 (0-3)
Golat: Rexhinaldo 50’
LUFTËTARI: Athanosopulos, Toledo, Janku, Beqiri, Rapo (Bregu 46’), Liçaj, Aleksi, Minga (Rroca 46’), Ribeiro, Demo, Lamçja (Abazaj 46’). Trajner: Hasan Lika
LAÇI: Selmani, Fangaj, Lulaj, Gjoni, Sefgjini, Jonuzi, Bardhi (Lushkja 46’), Kallaku, Shtubina (Zogaj 46’), Rexhinaldo, Uzuni (Xhixha 80′). Trajner: Gentian Mezani
Gjyqtarë: Klodian Shahini, Fatmir Lamaj, Eraldo Lisaku
Kartonë të verdhë: Liçaj 30′, Toledo 34′, Aurelio 60′, Aleksi 85′
Kartonë të kuq: Kallaku 60’
Luftëtari priti kurbinasit në sfidën e dytë, por që rezultoi pa histori. Laçi fitoi në ndeshjen e parë me rezultatin e thellë 3-0 dhe gjirokastritët duke mos pasur shpresa e nisën ndeshjen me lojtarë të rinj. Ndërsa kurbinasit e kishin vlerësuar maksimalisht këtë sfidë dhe zbritën në fushë me formacionin bazë.
Ndeshja u zhbllokua në2 pjesën e dytë ku ishin miqtë që gjetën rrugën e rrjetës me Rexhinaldon, gol që vendosi fatin e takimit. Laçi, edhe pse luajti me 10 lojtarë nga minuta e 60-të, pas kartonit të kuq të Kallakut, ia del të kualifikohet bindshëm në gjysmëfinale të Kupës së Shqipërisë, ndërkohë që e sheh veten në garë për zonën europiane edhe përmes kampionatit. Gjirokastritët vijojnë rrugëtimin në Superiore, ku nga lufta për mbijetesë duket se do të synojnë sa më shumë lart në renditje.
Me fillim në orën 17:00 do të zhvillohen edhe dy ndeshjet e tjera çerekfinale të Kupës së Shqipërisë, Partizani do të presë në “Selman Stërmsi” Flamurtarin, ndërsa Skënderbeu përballet me Teutën në Korçë.
