Përballja mes Fiorentinës dhe Juventusit ka qenë mjaft speciale për ish-lojtarin e violave që tashmë mbanë veshur fanellën bardhezi Federico Bernardeschi. Për më tepër si ç’kishte paralajmëruar edhe trajneri i “zonjës së vjetër” se kjo do të jetë nata e tij ashtu ndodhi. Ai u bë protagonist me një lojë mjaft voluminoze dhe me një gol mjaft të bukur të shënuar nga goditje dënimi.
Pas golit ai festoi dhe kjo tregon që nuk tregoi respekt ndaj tifozëve dhe ekipit që u rrit e u formua si lojtar. Por 23-vjeçari edhe pse festoi me shokët e tij, e cila solli provokim tek tifozët e Fiorentinës nuk e quan një gabim gjestin që bëri.
“Është gjithmonë bukur të shënosh aty ku ke luajtur më përpara,” shprehet Bernardeschi, i cili është një lojtar i dalë nga akademia e Fiorentina-s dhe u shit për 40 milionë euro tek Juve korrikun e kaluar, për Sky Sport Italia.
“Të vish sërish këtu, të shënosh dhe më pas të largohesh me tre pikët e siguruara është diçka shumë speciale. Festova golin pasi mendoj se një profesionist duhet të respektojë tifozët. Gjithmonë i kam qenë mirënjohës Fiorentina-s, dhe gjithmonë do t’i jem, por mënyrën se si është kujdesur për mua, por bëra zgjedhjen time dhe tani luaj për një ekip tjetër. Nuk ishte një ndeshje e lehtë por mua por shokët e ekipit më ndihmuan me mbështetjen e tyre,”-përfundoi Bernardeschi.
