Partizani nuk arrin më shumë se një barazimin pa gola në përballjen me Laçin, duke u marr pikë të kuqve edhe në ndeshjen e tretë sezonale në “Selman Stërmasi”. Ishin vendasit që dominuan këtë sfidë por nuk arritën të jepnin shumë para portës, ndërsa kurbinasit kishin shansin të merrnin më shumë në rast se Reginaldo do të kishte shfrytëzuar mundësitë që kishte. Të dyja skuadrat humbasin nga një pozicion në renditje (Laçi vendi i 5-të, Partizani i 6-ti”, pasi u parakaluan në Kamza.
Teuta 2-3 Luftëtari
Në “Niko Dovana” të Durrës sfida mes Teutës dhe Luftëtarit i kishte të gjitha brenda, duke filluar nga spektakël dhe golat e shumtë. Ndeshja përfundoi me rezultatin 2-3 në favor të miqve dhe 4 nga 5 golat u shënuan në pjesën e parë.
Fillimi ishte i vrullshëm për gjirokastritët, që e gjetën golin që në minutën e 2-të më Vasil Shkurtajn, që i shërbyer nga Jackson dhe “i harruar” nga mbrojtja kalon edhe portierin për t’i dhënë epërsinë skuadrës së tij. “Djemtë e Detit” u kundërpërgjigjën në minutën e 17-të Hilën, që shndërroi në gol një 11 metërsh të fituar nga Latif pas ndërhyrjes së Liçajt.
Asnjëra nga skuadrat nuk do të kënaqej me një pikë dhe për këtë arsye u aktivizuan më shumë në fazën sulmuese. Ishte sërish skuadra e Hasan Likës që gjeti golin e avantazhit me të njëjtin autor, Vasil Shkurtajn, që në minutën e 33’ shfrytëzon më së miri asistin e Liçajt, për të kaluar sërish në avantazh Luftëtarin. 1-2.
Por vetëm pas 7’ minutash Teuta gjen sërish golin e barazimit me Lajthinë. Pjesa e dytë nisi me ritëm të lartë nga të dyja skuadrat, pro fati i buzëqeshi Luftëtarit, kur Dejan Shehi, në tentativë për të larguar rrezikun godet trupin e portierit Kastrati, me topin që kalon vijën fatale për golin e 2-3. Me këtë fitore Luftëtari ruan pozita komode, ndërsa Teuta konfirmoi krizën, pasi zbret në zonën e ftohtë (e parafundit), pasi u parakalua nga Vllaznia.
