“Qaj moj Martë, qaj moj zemër qaj, qaj e mos pusho, natë e ditë po tretem moj dhe s’ka njeri që hallin të ma qajë“, është kënga që i këndon mes lotësh Zef Tuçi, bashkëshortes Martë. Zefi, kryefamiljari i familjes Tuçi është i sëmurë më kancer dhe mbanë familjen me 5 anëtarë më 140 mije lekë të vjetra. Familja jeton në Rrëshen në kushte të mjerueshme. Ata banojnë në një ambient të parkut që përdorej nga punëtorët në kohën e komunizmit.
Fondacioni “Fundjavë Ndryshe” i erdhi në ndihmë kësaj familjeje më ushqime dhe orendi shtëpiake dhe një shumë të hollash, por më e rëndësishmja është që për Zefin do të kujdeset një spital privat në Tiranë.
Zefi i shtrirë në krevat mes dhimbjesh deklaron thotë “Kam tre vjet që rri i shtruar, më nxjerrin për krahu edhe në banjë. Vuaj nga kanceri dhe e kam plagë të tmerrshme në shpatull. Familjen e mbaj me të ardhura minimale, me një pension të vogël 140 mijë lekë. Më këtë pension rrojnë 5 vetë, e ngrëna spitali. Për ilaçe vetëm jodjo më kanë dhënë, e lyej plagën me jodio. Dhe e lyej me jodjo me as një lloj ilaçi tjetër jo. Kërkoj nga emisioni “Stop” që të më ndihmojnë të gjithë njerëzit, ata që munden, kush të mundet. Dua të shkoj në spital të vizitohem. Ndoshta më shëndoshni“.
Një rrëfim po aq të dhimbshëm ka bërë dhe Marta, bashkëshortja e Zefit. Ajo thotë se Zefi ka 3 vite ne krevat. Drama më e madhe është se ata nuk kanë as një banesë të tyren.
“Unë jam bashkëshortja e Zef Tuçit. Bashkëshorti im është i shtrirë në krevat prej tre vitesh. Unë kërkoj nga shteti që të më japin kujdestarinë që po bëj ndaj Zefit. Edhe kjo shtëpi ku banoj unë nuk është e imja është e parkut ku kanë pas fjetur punëtorët në kohën e monizmit” thotë Marta.
Ndërsa Marta, bashkëshortja qanë Zefi fillon dhe këndon: “Qaj moj Martë, qaj moj zemër qaj, qaj e mos pusho, natë e ditë po tretem moj dhe s’ka njeri që hallin të ma qajë.”
Pas kësaj kënge bashkëshortja i bën një thirrje të gjithë njerëzve që e ndjekin “Ju lutem kush të këtë mundësi, si më shihni në këtë gjendje, të na ndihmojnë se e kam Zefin Rënde të më ndihmojnë, kush të ketë mundësi të kujdeset për fëmijët. Faleminderit prej të gjithëve.
Drejtori i fondacionit “Fundjavë Ndryshe”, Arbër Hajdari tha se sapo janë njohur me rastin kanë filluar kërkimin e ndihmave dhe njerëzit nuk janë kursyer.
“Sapo jemi njoftuar për rastin e familjes Tuçi në Rrëshen kemi grumbulluar ndihma gjithë natën, pas publikimeve që bëmë në rrjetet tona. Kemi grumbulluar shumë ndihma nga njerëzit. Kemi sjellë mobilie për shtëpinë, elektroshtëpiaket, ushqim për një vit dhe veshmbathje të ndryshme për të gjithë familjen. Shpresojmë që nesër ta dërgojmë në një spital privat në tiranë për ti ofruar të gjithë shërbimet që Zefi ka nevojë. Gjithashtu po mundohemi që ti lidhim disa pensione që të mos të kenë më nevojë dhe të mos vuajnë më kaq shumë. Ndërkohë kam dhe një zarf me kontributet që njrëzit kanë dhënë sot në mëngjes“, deklaroi Hajdari.
