Ka nisur me përplasje seanca e sotme parlamentare, ndërsa kreu i Kuvendit Gramoz Ruçi nuk është treguar aspak tolerant me opozitën.
Teksa është ngjitur në foltoren e Kuvendit, deputeti Edmond Spaho ka nisur të flasë për ekstradimin e financierit të Habilajve, Nazer Seiti. Kjo nuk është pëlqyer nga Ruçi, i cili i ka kërkuar të flasë për procedurën e ditës.
“Mos ma ngrini dorën mua, flisni për procedurën e ditës”, i ka thënë Ruçi Spahos, të cilit i ka ndërprerë fjalën.
Kjo ka sjellë reagimin e deputetëve të opozitës, të cilët janë ngritur duke kundërshtuar Ruçin, gjë që nuk ka kursyer aspak këtë të fundit, të cilit i është kthyer Bashës:
“Mos bëj si halabak, bëj liderin, mos prek punonjësit e shërbimit. Zoti Basha të paralajmëroj, ndërpritet seanca”. TIRANA TODAY
