Igli Tare është shpallur si më i miri i vitit edhe nga Sportitalia, për punën e mirë që ka bërë si drejtor teknik tek ekipi i Lazios. Ai ka arritur të ndërtojë një ekip të fortë dhe konkurrues në Itali me një buxhet modest dhe tani lojtarët vlejnë miliona.
Pas suksesit të madh që arriti afrimi i Strakoshës, duke u kthyer në një faktor mjaft të rëndësishëm të Lazios edhe pse në një moshë të re, ditën e sotme tare ka zyrtarizuar edhe afrimin e një lojtari tjetër shqiptar. Bëhet fjalë për talentin Progon Maloku.
Sulmuesi i cili u rrit në akademinë e Bayern Mynich ka nënshkruar një kontratë 3 vjeçare me skuadrën kryeqytetase dhe do të kalojë te skuadra e primaveras që drejtohet nga trajneri Bonati. Maloku është vetëm 18-vjeç dhe është një talent premtues që pritet të shpërthejë te skuadra e Lacios. Kujtojmë që sulmuesi ka qenë i grumbulluar me Shqipërinë U-18 dhe U-19.
