Kreu i partisë së PDIU-së, Shpëtim Idrizi ka akuzuar Ministrinë e Jashtme se nuk e ka trajtuar në mënyrë profesionale cështjen e varrezave të ushtarëve greke.
I ftuar në “Opinion”, në News 24, Idrizi tha se mospërfitimi i çamëve nga heqja e ligjit të luftës ka qenë me siguri ka qenë një kërkesë e Kotzias ndaj palës shqiptare, teksa iu referuar deklaratës së Bushatit se ‘shqiptarët e Çamërisë nuk përfitojnë nga ligji i luftës’.
Idrizi ironizoi Bushatin, teksa tha publikisht se ministri mund të përdori argumentet e tij kundrejt palës greke, ndërsa theksoi se ligji i luftës duhet të hiqet me gjithë efektet e tij.
FJALA E IDRIZIT:
Çështja e varrezave të ushtarëve grekë, është trajtuar në mënyrën jo profesionale nga pala shqiptare.
Si rregull ndodh një proces pajtimi dhe reciprociteti. Ne kemi rënë dakord për implimentimin e marrëveshjes së 2009, familjarët do bëjnë ADN-në dhe nuk qenkan të interesuar të marrin trupat pranë familjes. Kjo është e çuditshme.
Shqiptarët e Çamërisë nuk u vranë në luftë, por në shtëpitë e tyre. Ata kanë ardh në Shqipëri si pushtues, kanë vënë tabela greke. Për respekt, ishte momenti që të kërkohej varrezat dhe përmendore për shqiptarët e vrarë në Çamëri.
Unë e di që Kotzias nuk e njeh çështjen çame. Agjenda shqiptare ishte heqja e ligjit të luftës, deri pak muajsh pala greke thoshte s’ekziston deri para 6 muajsh. Efektet e ligjit të luftës janë aty, Greqia po bën shumë mirë që po e heq atë ligj të turpëruar.
Ajo që më bën përshtypje, që të hiqen efektet e ligjit të luftës. Bushati nxiton dhe thotë se shqiptarët e Çamërisë nuk përfitojnë nga ligji i luftës. Më bën përshtypje kjo gjë. Pala greke do ta hiqte ligjin e luftës, e dija, por ishin të kujdesshëm që nga kjo heqje mos të përfitonin çamët e Shqipërisë. Tani Bushati thotë se çamët nuk përfitojnë, druaj se ka qenë një kërkesë e Greqisë.
Ka 80 vjeçarë që ndalohen të kalojnë në Greqi, sepse kanë vendlindjen në Çamëri. Ky diskriminim duhet të hiqet. Ligji i luftës duhet të hiqet me gjithë efektet e saj.
Marrëveshja e ujërave
Marrëveshja e 2009-ës u hodh poshtë. Sot a e kanë marrë përputhshmërinë nga presidenti? Për çështjen e çamëve mua nuk më impresionon Kotziasi!
Jam i detyruar t’i jap argumente Bushatit. I them atij që është në karrige për t’u shërbyer shqiptarëve, të ketë kujdes me marrëveshjet për ujërat detare, shqiptarët janë shumë të ndjeshëm. TIRANA TODAY
