Këtë vit rivaliteti për të fituar Serie A është një garë dyshe mes Napolit dhe Juventusit, e cila sa vjen dhe nxehet më shumë. Fakti që Juve fitoi në “San Paoli”, falë golit të një ish-napolitani, Gonzalo Higuain, që madje dhe festoi para tifozëve që e kishin idhull, i nxehu më shumë gjakrat. Gjatë qëndrimit të tifozëve bardhezi pranë hotelit “La Sonrisa” në Sant’Antonio Abate u shfaq një pankartë e tifozëve të kaltër. “Hakmarrja është një pjatë që duhet të shërbehet e nxehtë.”
Dha ja, gati dy muaj pas humbjes në kampionat nga Juventus, vjen përgjigja e tifozëve të Napolit. Më shumë se përgjigje, provokim. “Tripletat tuaja: dopingu, Calciopoli dhe Serie B”, lexohet në pankartën e vendosur në hyrje të hotelit luksoz “La Sonrisa” të Sant’Antonio Abate gjatë një mbrëmjeje të organizuar nga Juventus Official Fan Club e Cercola, ku kanë marrë pjesë ish drejtuesi bardhezi Luciano Moggi dhe David Trezeguet.
Një pankartë thumbuese që e ka bërë më pak të këndshme fundin e festës. Organizator i kësaj, siç raporton siti calcionapoli24, është një grup miqsh që banojnë afër komunës së Santa Maria la Carità, Putkin.
