Prokuroria e shtetit të Kosovës është duke kryer hetime intensive për vrasjen e politikanit nga veriu i Mitrovicës, Oliver Invanoviç. Ndërkohë edhe vetë kryeministri i Kosovës ka deklaruar se në lidhje me vrasjen e liderit serb në veri të Mitrovicës, është kërkuar ndihma e FBI-së amerikane për zbardhjen e rastit.
Ndërsa ende nuk ka asnjë provë të qartë për personat të cilët qëlluan për vdekje Oliver Ivanoviçin.Prokuroria e shtetit përmes një përgjigje për portalin lajmi.net ka thënë se është duke u punuar intensivisht për zbardhjen e kryerësve të kësaj vrasje.
“Ju njoftojmë se lidhur me hetimin e vrasjes se Oliver Ivanoviçit është duke u punuar intensivisht në zbulimin e kësaj vrasje, kurdo që do të kemi rezultatet më të reja publiku do të njoftohet me kohë”, ka thënë zëdhënësi i Prokurorisë së shtetit, Ekrem Lutfiu.
Ndërsa mediat serbe kanë raportuar se në veturën që u gjet e djegur dhe që dyshohet se është përdorur për vrasjen e Invanoviçit, kanë qenë dy persona. Ivanoviç u vra para selisë së partisë së tij në veri të Mitrovicës, me 6 plumba, kjo sipas autoriteteve policore.
