Deputeti i PD-së, Edmond Spaho ka hapur protestën e sotme të opozitës. Pas këndimit të himnit, e ka marrë fjalën Spaho, i cili tha se shqiptarët janë të vendosur për ta larguar Ramën:
Fjala e Spahos:
Faleminderit për këtë pjesëmarrje të jashtëzakonshme. Prania juaj tregon se shqiptarëve u ka sosur durimi me qeverisjen kriminale të Ramës dhe kërkoni ndryshim. Protestojmë sepse jemi të pakënaqur, Rama duhet të përgjigjet.
Protestojmë sepse ekonomia po rrënohet, ne po varfërohemi, kurse ata pasurohen. A do vazhdojmë të durojmë rritjen e çmimit të energjisë elektrike, të gazit, të ujit, e të tjera që na e kanë bërë jetën të pamundur dhe të padurueshme. Rama kërkon të pasurojë kompaninë e vëllait të tij, protestojmë sepse duam punë. Rama ka plan tjetër, po e zbras Shqipërinë. Me ne janë bashkuar mijëra pensionistë që nuk njohin rritje të pensioneve, protestojmë për të ndjekurit politikë, të cilëve Rama u hoqi shpërblimin. Nuk duam të qeverisemi nga Habiljat, duam barazi dhe drejtësi për të gjithë, në krye të sistemit emërohen hajdutë, shkelës të ligjit. Fora jonë qëndron ën bashkimin e atyre që e duan Shqipërinë, qëndrojmë kundër diktaturës që po krijohet. I bëjmë thirrje Ramës të largohet sa më parë. Jemi të vendosur ta largojmë atë, rroftë vullneti i popullit për liri. TIRANA TODAY
