Në Kosovë ende ekziston një numër i madh i familjeve që janë në gjendje të rëndë ekonomike. Shumica e këtyre familjeve e marrin bukën, me lista në dyqane dhe furra buke. Pjesa më e madhe e këtyre familjeve marrin ndihmë ekonomike, por kjo nuk mjafton.
Numri i familjeve që kanë përfituar nga skemat e ndihmës sociale ka qenë 25 mijë e 472, me gjithsej 104 mijë e 90 anëtarë. Kështu ka deklaruar, shefja e Divizionit të Statistikave Sociale në Kosovë, Naime Rexhepi, e cila ka thënë se ende nuk janë publikuar të dhënat nga shtatori i vitit 2017 emë pas.
Komuna e cila ka numrin më të madh të familjeve përfituese nga skemat sociale, apo që llogaritet si komuna më e varfër edhe në këtë vit del të jetë Mitrovica.
Sipas këtyre statistikave, vetëm në Mitrovicë marrinë ndihma sociale 2 mijë e 217 familje me gjithsej 9 mijë e 249 anëtarë.
Kjo renditje nuk ka lëvizur për vite me radhë, ku pas kësaj komune është Prishtina, pastaj komuna e Gllogocit.
