Kryetari i PDIU, Shpëtim Idrizi ka zgjedhur të mos komentojë drejtpërdrejt vendimin e presidentit Meta, në lidhje me dhënien shtetësisë shqiptare për kryepeshkopin Janullatos, por ka shprehur rezervat ndaj tij.
Megjithatë, Idrizi kërkon që kryepeshkopit të mbajë një premtim të dhënë para dhjetë vitesh, ndërsa nuk mohon dëshirën që në krye të Kishës ortodokse të jetë një shqiptar, pa marrë parasysh faktin e pëlqimit, por sipas tij, kjo iu përket vetë besimtarëve.
Ai tha se ne kemi bërë një kërkesë nga “Shoqata Çamëria” që të bënim një ceremoni të përbashkët fetare për ata njerëz që iu pre jeta në mes, por sipas Idrizit, përfaqësuesit e tjerë pranuan kërkesën, ndëra Janullatos nuk dha asnjë përgjigje.
“Fakti që pesë Presidentë e kanë refuzuar e kanë pasur një arsye. Unë njoh kishën shqiptare dhe do të doja të ishte në krye një shqiptar. Sesa i mirë apo jo janë besimtarët që e vlerësojnë. Në vitin 2005 shoqata Çamëria iu drejtua 3 komuniteteve fetare, që të bënin një ceremoni të përbashkët fetare sepse ata për ata njerëz që iu pre jeta në mes nuk ishte bërë një ceremoni. Na erdhi përgjigja e Rrok Mirditës, i cili thoshte ‘si katolik e kam detyrë dhe porosi nga Papa ta bëj këtë ceremoni. Edhe komuniteti mysliman ishte dakord, ndërsa Janullatos nuk dha përgjigje”-u shpreh ai.
Idrizi tha se ceremonia është bërë, por Janullatos ishte vonuar, ndërsa si shenjë justifikimi përdori faktin se këtë ceremoni do ta bëjmë në kishë.
“U bë ceremonia, erdhi Rrok Mirdita, i komunitetit mysliman dhe bektashinj, Janullatos nuk erdhi dhe më vona tha do ta bëjmë në kishë. I kam thënë ‘Ok’ po presim që ta bësh, por kanë kaluar 10 vite dhe nuk e ka bërë. Shpresojmë që tani u bë shqiptar ta bëjë këtë ceremoninë fetare të premtuar që 10 vite më parë. Unë nuk mund të bëj asnjë koment, nuk jam personi i përshtatshëm për të gjykuar veprimet”-theksoi ai.
