Menjëherë pas gërmimeve për zbulimin e eshtrave të ushtarëve grekë në Dragot të Tepelenës, kjo çështje ka marrë diskutime në nivel ekspertësh. Për studiuesin Auron Tare, varrezat greke nuk duhet të përdoren si instrument politik nga vendi fqinj për të krijuar më pas probleme të mëvonshme.
Tare në Report Tv tha se respektimi i të rënëve bëhet në çdo shtet, por rasti i greqisë ndryshon, pasi mund të përdoret për qëllime politike në një kohë tjetër, ndërsa shton se ushtarët itallianë janë tërhequr nga toka shqiptare. Sipas Tares, Greqia i ka lënë ushtarët këtu, ndryshe me rastin e Italisë.
Gjithashtu Auron Tare tha se problemin duhet ta shikojmë tek vetja, ndërkohë për të përshkruar gjendjen në të cilën ndodhet varrezat shqiptare, kujton thënien e Petro Marko “varrezat e italianëve mirëmbaheshin, ndërsa ato shqiptare ishin të mbuluara nga bari.
“Respektimi i të rënëve të luftës bëhet në çdo shtet por ndryshon pak situata me Greqinë sepse mund të përdoret edhe për qëllime politike. Ata janë ushtarë të rënë në luftën italo-greke gjatë Luftës së Dytë Botërore. Nuk mund të them se Greqia mund të ketë prapavijë politike por të marri atë që meriton, të rënët e luftës janë tërhequr nga ushtria Italiane ndërsa ajo greke ka vendosur ti lëri në Shqipëri.
Ne duhet ta shikojmë problemin te vetja jonë, më kujtohet shkrimi i Peto Markos i cili thotë se varrezat e ushtarëve Italian mirëmbaheshin ndërsa ato të shqiptarëve ishin mbuluar nga bari”-shprehet Tare.
