Të paktën 11 persona e kanë humbur jetën ndërsa 44 të tjerë janë plagosur në një aksident rrugor në Eskisehir të Turqisë.
Sipas informacioneve shoferi i autobusit, nga shkaqe ende të panjohura është përplasur me pemët përskaj rrugës. Në autobus ndodheshin pasagjerët të cilët nga Ankaraja udhëtonin për në Bursa.
Guvernatori i Eskisehir-it, Ozdemir Cakacak dhe shefi i policisë Engin Dinc vizituan udhëtarët e shtruar në spital. Cakacak konfirmoi se në këtë tragjedi 11 persona humbën jetën.
Ai tha se të lënduarit nuk kanë plagë serioze dhe se kryesisht bëhet fjalë për fraktura. Guvernatori u dërgoi ngushëllime familjeve të viktimave ndërsa të plagosurve u dëshiroi shërim të shpejtë
