Tashmë të gjithë e dimë miqësinë që ka këngëtarja shqiptare Dafina Zeqiri me një ndër emrat më të njohur të producentëve në diskografinë muzikore, French Montana.
Ky i fundit bashkëpunoi me Dafin në dy këngët e saj të fundit, “Four Season” dhe “Told Ya”.
Tashmë, është French Montana ai që ka publikuar klipin më të fundit të titulluar “Famous”, ku protagoniste është edhe vetë Dafina.
“Edhe pse bota është bërë për ty, shpresoj mos të bëhesh e famshme sepse të gjithë do të të duan, por askush nuk do të dojë si unë. Shpresoj të mos bëhesh e famshme, qëndro në shtëpi me mua, do të të dashuroj gjithmonë”, këndon French Montana teksa Dafina del nga një shtëpi dhe ai e filmon me celular.
Këngëtarja i ka shprehur mirënjohjen reperit për faktin që e ka bërë pjesë të klipit me anë të një postimi në Instagram.
