“Sherri” mes Lorenc Trashit dhe trajnerit të Partizanit, Sulejman Starova, ka marrë përmasa mjaft të mëdha. “Bobi” është shprehur se mesfushori gramshiot nuk ka pranuar zëvendësimin dhe ka hedhur bluzën në tokë, për këtë arsye ka degraduar situata deri në pikën që e ka larguar nga hoteli. Ndërsa nga ana tjetër në një prononcim për ‘Panorama Sport’, Lorenc Trashi ka hedhur poshtë çdo fjalë dhe ka akuzuar trajnerin Starova se ka shpërthyer kundrejt tij në ofendime dhe se ai nuk e ka hedhur bluzën në tokë, këtë mund ta vërtetojnë të gjithë, stafi bashkë me lojtarët. Trajneri ka pasur një mllef prej kohësh përbrenda dhe gjeti rastin që të shpërthejë, nuk ka bërë asgjë gabim. Por pavarësisht masave që do të merren në këtë rast, Trashi ka deklaruar se nuk do ti pranojë dhe se është i sinqertë në ato që thotë, prandaj ka vulosur edhe fundin e marrëdhënieve me Starovën.
“Profesor Starova për te justifikuar veten ka shpikur shumë fjalë qe s’janë te vërteta. Në rradhë te par un si jam drejtuar me tone te larta Profesorit po e kundërta jam ulur ne pankinë shumë i qetë dhe i kam folur tamam profesor pse sme le dhe pak te merrja pak përgatitje se me ka zëvendësuar ne minutën 60 dhe jo 75 sic thotë ai.”
“Në atë moment ai më është kthyer me tone të ashpra, që do të thotë se mezi ka pritur një debat me mua. Profesor Starova mos të bëjë tani si shenjtor. Kur Partizani s’ka kontingjentin e duhur të lojtarëve dhe shprehet që unë si trajner s’i kam thënë të largohet nga ekipi. Ai është shprehur shumë qartë dhe aty kanë qenë shumë lojtarë dhe stafi bashkë për të vërtetuar gjithçka që ai ka thënë kundrejt meje.”
“Ma qëroni nga hoteli, nuk dua ta shoh më në ekip”. Pasi ka thënë kështu, unë jam çuar dhe i kam thënë: “Profesor, qëndroi besnik fjalëve që po thua. Nëse je burrë thuaja edhe presidentit në sy tim, që nuk e dua më Trashin. Edhe ai e ka pranuar duke më thënë “OK”.
“Më pas i dhashë dorën, ai më refuzoi. “Mos ma jep as dorën tha”, edhe unë vazhdova drejt dhomave të zhveshjeve. Teksa po largohesha ai nuk e la me kaq, por vazhdoi të më ofendonte nga fjalë më të ndyrat. Më ka ulur dhe më ka fëlliqur në sy të shokëve e stafit.”
“Iu ktheva në atë moment dhe hoqa bluzën. Ia lashë te pankina. Absolutisht nuk e kam hedhur. E hoqa dhe i thashë: “Për këto fjalë që më the, unë dhe ti e kemi mbyllur”. Dua t’i drejtohem profesor Starovës duke i thënë që mos të justifikojë veten te tifozët e te presidenca.”
“Mos të shfajësohet ndaj publikut me arsyen se Trashi ka hedhur fanellën se ka shumë njerëz aty që e vërtetojnë këtë gjë. Ofendimet e Starovës kundrejt meje janë një mllef i mbledhur prej kohësh. Më në fund ia arriti qëllimit, ta nxirrte atë mllef. Është shumë e thjeshtë, kur nuk e do një lojtar. Pse nuk i thua presidentit: “Nuk e dua në ekip Trashin, s’më shërben për asgjë”. Edhe unë shoh karrierën time.”
“Gjithsesi unë personalisht e quaj të mbyllur me Starovën. Nuk tërhiqem aspak pas çfarëdo lloje mase të merret kundër meje. Edhe një gjobë, unë absolutisht nuk e pranoj sepse jam me të drejtë dhe s’lejoj njeri ta mohojë këtë gjë. Kur kam qenë gabim, kam qenë unë ai që i kam kërkuar falje profesorit. Por, tani jo më! Është totalisht gabim. Më ka ofenduar shumë rëndë”.
