Pierre-Emerick Aubameyang në ditët e fundit ka dërguar kërkesë për tek ekipi i Dortmund se ai dëshiron të largohet. Tashmë e ardhmja e sulmuesit nga Gaboni sa vjen dhe bëhet më e qartë, pasi pritet të jetë zëvendësuesi i Sanchez tek Arsenal. Futbollisti ka kërkuar largimin nga Borussia Dortmundi dhe është raportuar se ka arritur marrëveshje personale me klubin anglez.
Agjenti i tij ka udhëtuar drejt Londrës dhe pritet që të finalizojë bisedimet dhe të njihet më mirë me situatën e kilianit, Alexis Sanchez, i cili pritet t’i bashkohet Manchester Unitedit. Bild bën të ditur se babai i 28-vjeçarit, i cili është edhe përfaqësuesi i tij, do të qëndrojë në Angli për t’i diskutuar detaje e transferimit.
Futbollisti nga Gaboni është i gatshëm që të kalojë në Emirates, ndërsa bëhet e ditur se transferimi do të kushtojë rreth 53 milionë paund (60 milionë euro). Largimi i tij e ka vënë në aksion edhe Dortmundit që duhet të gjejë një zëvendësues. Futbollisti i Chelseat, Michy Batshuayi, është një nga shënjestrat kryesore të klubit gjerman për ta zënë vendin e Aubameyangut në Westfalenstadion.
