Elseid Hysaj është duke kaluar një formë mjaft të mirë në Serie A, sa ka blinduar edhe pozicionin në formacionin e javës. Të shumtë janë zërat që ekipet e mëdha janë interesuar për të, por duket se Hysaj ndjehet mirë tek Napoli dhe nuk ka ndërmend të largohet. Së fundmi për situatën e tij ka folur edhe menaxheri, Mario Xhufredi, për mikrofonat e Radio Goal në Itali, ka folur edhe për potencialin e madh që shkodrani ka në këmbët e tij.
“Ka vend të paparashikueshëm për përmirësimin e tij. Ai mund të bëjë ende shumë. Unë jam i bindur se Hysaj do i përmirësojë cilësitë e tij, dhe është i destinuar që të bëhet një prej mbrojtësve më të fortë në Europë. Hysaj ka edhe 3 vite të tjera kontratë me ekipin e Napolit, dhe si klubi, ashtu edhe ne, jemi të qetë.”-deklaroi Xhufredi.
