Eurodeputetja Tanja Fajon i bën thirrje serbëve dhe kosovarëve që të ruajnë qetësinë pas vrasjes së Oliver Ivaniviç. Në një intervistë për gazetarin Vladimit Lame e transmetuar në “Klan Plus”, Fajon shprehu keqardhje për ndërprerjen e bisedimeve mes Prishtinës dhe Beogradit dhe u bëri apel dy vendeve të ruajnë qetësinë.
“Shpresoj se do të vendoset drejtësia, dhe se autorët e krimit do të ndëshkohen. Në të njëjtën kohë, dua t’i bëj thirrje të gjithëve të ruajnë qetësinë, të mos e përdorin ngjarjen politikisht, pasi nuk është koha për këtë gjë. Gjithashtu shpreh keqardhje që dialogu teknik mes Kosovës dhe Serbisë ditën e sotme u anulua.
Federica Mogherini ka biseduar me liderët e të dy vendeve, dhe ka shprehur pritshmërinë se normalizimi i marrëdhënieve mes dy vendeve do të vazhdojë, pa përshkallëzuar tensionet. Qëllimi i këtij dialogu është të lehtësojë jetesën e qytetarëve të dy vendeve. Bëj thirrje kjo të vazhdojë sa më shpejt të jetë e mundur”, u shpreh eurodeputetja Tanja Fajon.
