Kryeministri i Kosovës, Ramush Haradinaj i bëri thirrje FBI-së që të hetojë për vrasjen e Oliver Ivanoviç. Shefi i qeverisë së Kosovës dënon shfrytëzimin politikisht të vrasjes së liderit të serbëve në Kosovë, Ivanoviç.
Pas mbledhjes së Këshillit të Sigurisë Kombëtare, Haradinaj tha se ky krim është rezultat i involvimeve ilegale që ndodhin në veri nga instanca jashtë vendit. Ai tha se nëse ka nevojë, mund të ftohet për të ndihmuar në hetimin e rastit Byroja Federale e Investigimit (FBI). “Policia e Kosovës ka marrëdhënie të mira me plot organizata, dhe nëse ka nevojë për ndihmesë do ta ftojmë FBI-në”, tha Haradinaj.
Oliver Ivanoviç, nuk i mbijetoi plagëve, pas sulmit ndaj tij me armë zjarri, në mëngjesin e sotëm para zyrës së tij.
Më herët qeveria e Kosovës ka dënuar ashpër aktin e vrasjes me armë zjarri të politikanit serb, Oliver Ivanoviç, përpara selisë së partisë së tij në pjesën veriore të Mitrovicës.Akti i vrasjes së Ivanoviqit, sipas Qeverisë, sfidon sundimin e ligjit dhe përpjekjet për vendosjen e rendit në gjithë territorin(lajmin e plotë lexoje këtu)
“Dhuna është e papranueshme pa marrë parasysh nga kush vjen dhe ndaj kujt drejtohet”, thuhet në reagimin e Qeverisë.
