Lacio është ekipi surprizë këtë sezon në Serie A, futbolli i bukur dhe me shumë gola e bën atë ekipin më simpatik në kampionat. Një meritë të veçantë që lacialët janë në këto pozita e ka dhe drejtori teknik, ish-lojtari i kombëtares shqiptare Igli Tare.
Ai është zgjedhur disa herë si më i suksesshmi në punën e tij në kampionatin italian, ndërsa së fundmi lëvdatat për Taren vijnë nga legjenda Arigio Saki. Njeriu i cili e ktheu Milanin e përpara disa viteve në ekipin më të fortë në Europë, ka dhënë një intervistë për “Gazzeto dello Sport”.
“Lacio luan në një mënyrë të shkëlqyer. Kjo skuadër bënë një lojë të bukur si në transfertë ashtu edhe në shtëpi. Taren e kam telefonuar disa herë dhe e kam komplimentuar për punën që është duke bërë në klub. Mund të them se është një njeri që i sheh lojtarët, si pak njerëz të tjerë”, është shprehur Saki.
