Mediat amerikane raportojnë se është shkatërruar sateliti spiun që SHBA-të lëshuan nga baza ajrore, Kejp Kanaveral, në Floridë. Sateliti është lëshuar nga kompania SpaceX, por ka dështuar të arrijë në orbitë dhe besohet se është shkatërruar totalisht,
Ky satelit ka dështuar të ndahet nga raketa, pas lëshimit më 7 janar dhe besohet se është copëtuar në disa pjesë dhe është përfshirë nga zjarri në atmosferën e Tokës ose është përplasur në det, raportuan mediat, duke cituar zyrtarë qeveritarë dhe industrialë të Shteteve të Bashkuara.
Humbja e këtij sateliti së pari është raportuar nga e përditshmja, Wall Street Journal.
Lidhur me këtë rast po zhvillohen hetime, por nuk ka indikacione fillestare për ndonjë sabotazh ose ndërhyrje tjetër, thane zyrtarët.
Sipas tyre, raketa është kthyer me sukses në Tokë dhe ka ateruar e sigurt përkundër dështimit të satelitit për tu ndarë dhe për të depërtuar në orbitë.
