Franck Ribery është rikthyer të flasë për trofeun e “Topit të Artë’ të vitit 2013, ku sipas tij i është ‘vjedhur’. Francezi është shprehur se i ka munguar mbështetja e popullit të tij dhe për këtë arsye atë trofe e ngriti Cristiano Ronaldo.
Ylli i Bayern Munichut tha se është “e pakuptueshme” se si Cristiano Ronaldo e mori çmimin atë sezon pasi ai kishte qenë fantastik me klubin gjerman. Ai udhëhoqi Francën duke i siguruar pjesëmarrjen në Botërorin e Brazilit, po ashtu ishte një ndër lojtarët kuç të bavarezëve në fitimin e Champions League në Wembley.
Përpos humbjes së vendit të parë, për Ribery nuk ishte as vendi i dytë i cili u zu nga Lionel Messi. “Ai trofe individual u vodh nga unë”, tha Ribery për Canal Football Club. “Është e pakuptueshme. Kam fituar çdo trofe, unë nuk mund të bëja më shumë. Ishte një padrejtësi.”
Francezi mërmëriti se nuk kishte mbështetjen e bashkatdhetarëve të tij. “Unë nuk e kisha vendin tim pas meje,” pohoi ai. “E pashë me sytë e mi që francezët thanë se Cristiano duhet të fitojë. A dëshirojnë portugezët që të jetë Ribery apo Messi fitues? Natyrisht jo.”
Ribery mendon se ai u bë një ‘kokë turku’ pas së Kupës së Botës 2010, në të cilën ekipi i Raymond Domenech u rrëzua në fazën e grupeve dhe madje bëri një protestë kundër trajnerit për ta larguar dhe ky i fundit kishte refuzuar të largohej nga ekipit.
34-vjeçari ende e tregon gishtin e tij nga mediat. “Në vitin 2010, ata kishin nevojë për dikë që të fajësonin”, tha ai. “Të gjithë në Francë besonin se isha unë problemi, madje edhe prindërit e mi. Nuk mund t’i harroj veprimet e disa mediave franceze. Është një mbresë që qëndron me mua, ishte shumë e rëndë.” Franck Ribery aktualisht është pjesë e Bayer Munich, por me këta të fundit i mbaron kontrata në fund të sezonit dhe akoma nuk ka bisedime për një rinovim të mundshëm.
