Kishte filluar që në korrik dhe përfundoi tani në janar. Phelippe Coutinho tashmë është lojtarë i Barcelonës dhe duket se ka realizuar ëndrrën e tij. Trajneri i Liverpool, Jurgen Klopp, ka sqaruar për tifozët se ai vetë dhe klubi kishin bërë gjithçka për ta bindur brazilianin që të qëndronte, por ai ishte i vendosur 100% se e ardhmja e tij dhe e familjes së tij ishin në Barcelonë.
Të dy klubet e konfirmuar sot se është arritur marrëveshja dhe Coutinho tani është lojtar i Barcelonës. “Nuk është fshehtësi që Philippe Coutinho ka dashur që transferimi i tij të ndodhë që prej korrikut, kur Barcelona e shfaqi interesimin e parë për të. Philippe ishte këmbëngulës me mua, drejtuesit dhe madje bashkëlojtarët se kalimi i tij ishte ajo të cilën ai e dëshironte patjetër”, ka thënë Klopp.
Klopp ka edhe një mesazh për tifozët e Liverpoolit. “Mund t’iu them përkrahësve të Liverpoolit se ne, si klub, kemi bërë gjithçka brenda mundësive tona për ta bindur Philippen se qëndrimi në Liverpool do të ishte po aq atraktiv sa kalimi në Spanjë, por ai është 100 për qind i sigurt se e ardhmja e tij dhe familjes së tij i përket Barcelonës”, ka thënë Klopp.
