Mats Hummels ka folur për mediat në lidhje me situatën në Champions League, por edhe për Kupën e Botës. Ai ka kujtuar edhe gjysmëfinalen e vitit 2012 ku u mposhtën nga Italia me rezultat 2-1 dhe ka mbetur i habitur se si ka pasur aq shumë probleme me Cassanon në fushë.
Për këtë arsye, Humels ka thënë se: “E shoh Bajernin si një skuadër favorite për titullin në Champions. Megjithatë, do të kemi të bëjmë me një skuadër tepër të fortë, sikurse është Beshiktashi. Do të na duhet të kemi fatin në anën tonë, por kryesorja është përgatitja fizike gjatë kësaj kohe”.
Për Botërorin, mbrojtësi i kombëtares gjermane tha: “Mendoj se kemi rënë në një grup tepër të vështirë. Ndoshta jo të gjitha skuadrat e grupit tonë mund të jenë favorite për titullin, por ajo çka vlen, është se janë të gjitha skuadra tepër të forta”.
Humels ka folur edhe për momentin e tij më të hidhur në karrierë duke shtuar: “Në gjysmëfinalen përballë Italisë në vitin 2012 kemi humbur me rezultatin 1-2. Në atë periudhë kam pasur shumë probleme me Kasanon çuditërish, prisja që t’i kisha me Balotelin. Ai më ka krijuar shumë probleme nga mënyra se si luante dhe kjo nuk më ka lënë vend për të shijuar atë sfidë”.
Sa i përket momentit më të bukur, mbrojtësi 29-vjeçar tha: “E fundit, që mbaj mend që ka shkuar ashtu sikurse duhej ishte, është sfida kualifikuese për në Kupën e Botës ndaj Çekisë në muajin shtator, ku ne fituam me rezultatin 2-1, kjo falë golit tim në fund”.
