Në sallën e Shtëpisë së Kulturës është mbajtur Kuvendi themelues i Alternativës për Ndryshim në komunën e Bujanocit.
Kryetari i APN-së, dega Bujanoc është zgjedhur unanimisht Arbër Pajaziti, i cili falënderoi të gjithë për votimin, ndërsa ka thënë se ndryshimi tashmë është i pashmangshëm dhe nuk do të ndalet deri në finalizimin e tij.
Edhe kreu i Komunës së Preshevës, Shqiprim Arifi ka folur në këtë aktivitet të partisë së tij, ku theksoi rëndësinë e aktivitetit për ndryshimin pozitiv në Komunën e Preshevës.
