Robinho vazhdon të jetë në gjyq me 22-vjeçaren shqiptare, e cila e akuzoi brazilianin se e kishte përdhunuar më 22 janar të vitit 2013, bashkë me 5 persona të tjerë. Vendimi i dhënë nga gjykata e Milanos, ishte dënim me burg për yllin brazilian.
Çështja është apeluar nga avokatët e Robinhos dhe për momentin vazhdon të luaj futboll në Brazim, me ekipin e Atletico Mineiron. Gjithsesi, pavarësisht dënimit, Robinho do të vijojë të luajë futboll, sepse dënimi nuk hyn në fuqi deri sa të shprehet Gjykata e Apelit.
Por edhe në rast se në Apel konfirmohet i njëjti dënim, sërish do të jetë e vështirë burgosja e Robinhos, sepse Brazili nuk e lejon ekstradimin e shtetasve të tij dhe ndalimi i Robinhos mund të bëhet vetëm nëse ai largohet nga atdheu i tij. Kështu, Robinho, pavarësisht vendimit të Apelit, mund të vijojë të luajë futboll në Brazil.
