Të konsumosh fruta dhe perime është një kusht thelbësor për të pasur një shëndet të mirë. Konsumi i agrumeve, përmban vitamina dhe minerale të shumta, ndërsa investimet në këtë kulturë frutore , nuk kanë munguar edhe në vendin tonë.
Portokalli është i pajisur me vitamina, kryesisht vitaminë C, e cila ndikon në rritjen e imunitetit ndaj viruseve. Stina e dimrit është një kohë ku shumica kosumon portokalle, ndërsa shëndeti predispozohet të jetë më i ftilluar.
Vendi ynë, futet brenda vendeve të cilat janë më prodhuese, pasi shtrirja gjeografike, krijon mundësitë për të prodhuar sa më shumë nga kjo kulturë bujqësore.
Për sa i përket prodhimit të agrumeve në Shqipëri, nga të dhënat e Ministrisë së Bujqësisë, sasia e prodhuar e agrumeve është trefishuar që nga 2010. Në vitin 2016, sasia e prodhuar në vend e agrumeve shënoi 40 mijë tonë, nga 13 mijë tonë që ishin në gjashtë vitet e para.
Importet kanë ardhur në rënie, eksportet mbeten në vlera modeste
“Kryesisht Shqipëria ka importuar nga vendet fqinje, si Greqia dhe Italia. Eksportet e Greqisë arritën në 2016-n rreth 7.9 milionë dollarë, apo rreth 92 për qind e totalit të eksporteve. Në total, në 2016-n, vlera e portokajve të importuar në vend ishte 8.6 milionë dollarë”-shkruan Monitor.
Importet arritën nivelin më të lartë në këto gjashtë vite në 2014-n, i cili ishte një vit i dobët për sa i përket prodhimit të tyre në vend.
Për sa u përket eksporteve, ato janë në vlera modeste. Në 2016-n ishin vetëm 12 mijë dollarë, ndërsa në vitin 2014 grosistët shqiptarë nuk mundën që të eksportonin asgjë. (shiko grafikun e eksporteve)
Tregtia e portokajve në BE
280 mijë hektarë në të gjithë BE-në janë vënë në shërbim të mbjelljes së portokajve, gjysma e të cilave janë vetëm në Spanjë. Vitin e shkuar, mbi 2.7 milionë tonë portokaj, me vlerë 1.8 miliardë euro, u eksportuan nga vendet anëtare të Bashkimit Europian. Afërsisht 90 për qind e tyre (2.4 milionë tonë) u tregtuan brenda e BE-së.
Në vendet e Bashkimit Europian. Spanja, e cila eksporton rreth 57 për qind të tyre, është deri më tani vendi që eksporton më shumë, ndjekur nga Greqia me 462 mijë tonë apo 17 për qind.
