Sonte Arsenal-Liverpool, në “pjatë” vendi i katërt

Arsenali pret Liverpoolin në ndeshjen hapëse të kësaj jave në Premier League e cila do të bëhet një ndër ndeshjet më të rëndësishme të sezonit, për fatet që do të kenë këto ekipe në ecurinë e kampionatit.
Vendi: Emirates Stadium, Londër
Koha: E premte, 22 dhjetor, 20:45

Arsenali
Shkodran Mustafi nuk u rrezikua në mesjavë, por pritet që të kthehet në formacionin e parë. Ramsey vazhdon që të jetë i lënduar, e Arsenali mund të përdorë sërish formacionin me katër mbrojtës. Giroud mungoi të premten pasi u lëndua në fitoren ndaj West Hamit. Coquelin po ashtu pësoi një goditje dhe është në dyshim.

Liverpooli
Liverpooli ka pasur një mesjavë të plotë për t’u përgatitur për këtë ndeshje dhe Klopp mund të përdorë skuadrën e njëjtë sikurse ndaj Bournemouthit. Alex Oxlade – Chamberlain pritet të përballet me Arsenalin për herë të parë që prej largimit gjatë verës. Matip ka mundësi që të luaj teksa gjendja shëndetësore e mbanë Sturridgen larg këtij takimi. Emre Can dhe James Milner do të kërkojnë të startojnë në këtë duel.

A e dini se?
Arsenali ka fituar 13 nga 14 ndeshjet e fundit në shtëpi në Ligën Premier. Liverpooli ka shënuar së paku tre gola në 4 ndeshjet e fundit ndaj Arsenalit në të gjitha garat. Kanë shënuar së paku tri gola në 9 nga 10 ndeshjet e Liverpoolit në udhëtim. Arsenali ka mbajtur portën e pa prekur në 6 nga 8 ndeshjet e fundit në shtëpi. Arsenali ka fituar në pjesë të parë dhe në fund të takimit në 6 nga 8 ndeshjet e fundit në Ligën Premier. Liverpooli ka fituar në pjesë të parë dhe në fund të takimit në 4 ndeshjet e fundit në Ligën Premier.
Mes Arsenalit dhe Liverpoolit janë shënuar së paku tri gola në 8 nga 9 ndeshjet e fundit. Liverpooli ka fituar 4 ndeshjet e fundit në udhëtim.
Liverpooli ka fitaur 3 ndeshjet e fundit ndaj Arsenalit në të gjitha garat. Janë shënuar më pak se tri gola në tri ndeshjet e fundit ndaj Arsenalit në Ligën Premier.
Arsenali ka shënuar 2 gola në 5 nga 6 ndeshjet e fundit ndaj Liverpoolit në të gjitha garat.

Parashikimi
Arsenali ka bërë progres duke hyrë në gjysmëfinalen e Kupës së Ligës në mesjavë pa i konsumuar startuesit dhe kështu ka ekip të freskët për Liverpoolin. Sidoqoftë, gjërat s’janë shumë mirë për ekipin e Wengerit. Liverpooli është në formë të jashtëzakonshme për momentin. The Reds kanë fituar katër ndeshjet e fundit në udhëtim dhe të tria me shumë gola.