Nuk pranohet dorëheqja, “Bobi” mbetet trajner i Partizanit

Trajneri i Partizanit dha dorëheqjen në fundin e ndeshjes, pas humbjes katastrofike ndaj Luftëtarit 5-0. Burime pranë klubit të kuq bëjnë me dije, se dorëheqja nuk është pranuar nga drejtuesit dhe “Bobi” do të vazhdojë të qëndrojë në krye të “Demave të Kuq”.

Pas analizës së bërë është arritur në përfundimin, se nuk është vetëm faji i trajnerit për situatën e keqe që skuadra po kalon, por për këtë gjendja kanë përgjegjësi të gjithë. Në merkaton e janarit priten të ndodhin ndryshime drastike në skuadrën e Partizanit. Lajmi për qëndrimin e Starovës është konfirmuar edhe nga faqja zyrtare e klubit të kuq, nëpërmjet një njoftimi në “Facebook”.