Ylli brazilian i Manchester Cityt, Gabriel Jesus është shprehur se shokët e tij të ekipit duhet të jenë me këmbë në tokë edhe pse diferenca me vendin e dytë është e madhe. Pasi ai beson se nuk është vetëm City që po fiton në Premier League, por janë edhe ekipe të tjera të cilat do të përfitonin shumë shpejt nëse ata do gabonin. Kampionati është akoma shumë i gjatë dhe quhet i fituar kur e ke në duar trofeun. Jesus është një ndër lojtarët më të mirë tek City i cili këtë vit ka shpërthyer dhe ka shënuar shumë gola.
Jesus, i cili humbi një penallti gjatë fitores ndaj Tottenham, ka paralajmëruar shokët e tij të skuadrës të mos e quajnë të fituar titullin. “Skuadra po paraqitjet në mënyrë fantastike por ka klube të tjera që po bëjnë të njëjtën gjë,” shprehet ai.
“Nuk mund të mendojmë se jemi të pamposhtur dhe duhet të ruajmë fokusin ndeshje pas ndeshjeje. Kjo ishte një nga paraqitjet më të mira të sezonit tonë, ndaj një kundërshtari të fortë që ka lojtarë të mëdhenj. Kemi bërë shumë mirë, jo vetëm për rezultatin, por edhe për mënyrën se si mundëm Tottenham. Rezultati mund të kishte qenë më i thellë.”
