Zëvendës ministri i Mbrojtjes së Maqedonisë, Bekim Maksuti, i pyetur se kush e ka shkruar Mesharin e Gjon Buzukut, bën gafën e vitit…
Nëse deri më tani keni menduar se veprën ‘Meshari’ e ka shkruar Gjon Buzuku, e keni “gabim”.
Zëvendësministri Maksuti, në emisionin “Shkurt e shqip”, i pyetur se kush e ka shkruar Mesharin e Gjon Buzukut, është përgjigjur se: “Mesharin e Gjon Buzukut e ka shkruar Marlin Barleti”.
Nuk është hera e parë që vërejmë nga politikanët duke i shprehur aftësitë dhe margaritarët e tyre edhe në sfera tjera.
Por Maksuti nuk e ka lënë me kaq, pasi ka marrë guximin duke qortuar rininë se nuk e di kush e ka shkruan këtë vepër.
Veprën ‘Meshari’ e ka shkruar Gjon Buzuku në vitin 1555 dhe jo siç pretendon zv/ministri Maksuti, se atë e ka shkruar Marin Barleti.
