Trajneri Luciano Spalletti në prag të ndeshjes me Udinezen, ka vazhduar të komentojë atë ndeshje që u kthye ndër më të vështirat përballë për Interin këtë sezon, përballë Perdenones. Ai merr përsipër fajin e paraqitjes së dobët të Interit në sfidën për 1/8-at e Kupës së Italisë kundër modestëve të Pordenones, edhe pse në fund ishin zikaltërit që kaluan në raundin tjetër. Në sfidën kundër Pordenones, Spalletti kreu një rotacion radikal në 11-shen startuese të Interit, por lojtarët nuk konvertuan rastet e pastra për gol.
“Kemi folur tashmë rreth vështirësive që ndeshëm kundër Pordenones dhe po flas akoma për të: është e gabuar të thuash se lojtarët e morën lehtë ndeshjen, problemi qëndronte të menaxhimi i fuqive tona teknike. Kjo na krijoi vështirësi. Ndoshta kreva shumë ndryshime dhe në tërësi asnjëri nuk përfitoi. Por mund t’ju them se unë vij nga provinca, nga natyra e gjallë. E di se si grabitqari sillet me prenë e tij dhe shfrytëzon fuqitë në maksimum, ne kemi marrë parasysh këtë fakt”, deklaroi në prag të sfidës me Udinezen ish-trajneri i Romës dhe Zenitit të Shën Petërburgut.
I pyetur se si e vlerëson sfidën e radhës në Serinë A kundër “Zebrette” , 58-vjeҫari e konsideron ekipin e Massimo Oddos si një ekip problematik. “Udinese ka potencial dhe cilësi, është një ndeshje që nuk më lë të fle i qetë, por i besoj Interit tim”, përfundon deklaratën trajneri I “Zikaltërve”. Mungesa e vetme për ndeshjen e nesërme është mesfushori portugez Joao Mario. Interi kërkon të ruajë podiumin e parë në Serinë A. Zikaltërit mbeten të pamposhtur pas 16 javësh në kampionatin Italian.
