Sasia e 10 mijë eurove të fituara në baste nga kandidati për kryeprokuror të përkohshëm, Artur Selmani është shoqëruar me “zhurma” në rrjetet sociale duke prodhuar edhe elemente ironie.
Kandidati Selmani, tashmë është zyrtarisht jashtë gare për mandatin e kryeprokurorit. Nga shtatë kandidatë vetëm emrat e tre garuesve, do të shkojnë në Parlament për t’u hedhur në votim.
Por, fakti që Selmani luante kumar, ka lënë përshtypje tek profesori Përparim Kabo, i cili shkruan në rrjetet sociale se “Kur një person thotë më bëni Krye- prokuror-Krye se pasurinë e kam bërë me lojëra fati…kjo do të thotë ndryshe që fatin tonë si njerëz dhe si atdhe ta luajmë në kazino…. eh more shpirt i tregëtuar deri ku ke mbritur….”.
Doza të larta ironia, por edhe një realitet i dhimbshëm që tregon gjendjen e rëndë në të cilën ndodhet drejtësia shqiptare.
