Qeveria shqiptare është shprehur se ka nënshkruar një marrëveshje kredie në vlerën e 3,5 milionë eurove ose 4.1 milionë dollarëve me bankën gjermane të zhvillimit KFW. Kjo do të shërbejë për të financuar projektin e rezervës ndërkufitare të biosferës së Prespës.
Paratë e kredisë do të përdoren për të financuar masat që synojnë ruajtjen e biodiversitetit në pjesën shqiptare në zonën ndërkufitare të liqenit të Prespës, por kjo do të ndikojë në përmirësimin e jetës së banorëve të Prespës, sipas marrëveshjes së miratuar me 1 dhjetor, ndërsa është botuar në fletoren zyrtare në ditën e djeshme.
“Liqeni i Prespës është pjesë e rezervës ndërkufitare të biosferës Ohër-Prespë, e cila që përfshin zonën e përbashkët të liqeneve Ohër dhe Prespë, nga Shqipëria e Maqedonia. UNESCO shpalli zonën e Ohrit-Prespës, një rezervë të biosferës natyrore në qershor të vitit 2014”-shkruan See News.
Me një sipërfaqe prej 446.244 hektarësh dhe një popullsi prej rreth 455.000 banorësh, përfshin një pjesë të Liqenit të Ohrit dhe rrethinat e saj në Maqedoni, të cilat janë të shkruara në Listën e Trashëgimisë Botërore, si dhe një pjesë e liqenit të Ohrit në Shqipëri. TIRANA TODAY.
