Vendimi i Barcelonës, lë jashtë Botërorit argjentinasin

Për Javier Mascheranon nuk ka hapësira tek klubi i Barcelonës, pasi janë bërë disa përforcime mjaft të rëndësishme në repartin e tij. Duke parë veten për shumë kohë në stolin rezervë argjentinasi kishte kërkuar largimin nga katalanasit. Ai dëshiron ti bashkohet një ekipi tjetër ku të ketë mundësi të luaj, pasi nuk dëshiron të humbë vendin në kombëtare për botërorin “Rusi 2018”. Por kjo kërkesë duket se është hedhur poshtë nga drejtuesit e Barcelonës, të cilët kanë vendosur që në janar të ketë vetëm përforcime në ekip.Zyrtari për media i Barcelonës, Josep Vives ka mohuar se Javer Mascherano do të largohet gjatë dimrit, pasi thotë se skuadra nuk do të dobësohet. “Interesi i përgjithshëm është mbi dëshirat individuale të çdo lojtari. Ashtu siç tha edhe presidenti, klubi gjatë afatit kalimtar të dimrit nuk do të dobësohet, por do të forcohet. Në asnjë rast nuk do të dobësohemi”, tha Vives. Mascherano shumicën e kohës ka qenë në bankën rezervë dhe kishte kërkuar largimin, për të ruajtur një vend në kombëtaren e Argjentinës.