Një 36-vjeçar ka rënë në pranga, pasi i janë gjetur në automjet 13.5 kg kanabis.
Shtetasi i ndaluar është J.H., banues në Mashkullorë të Gjirokastrës, i cili u ndalua në Pikën Kufitare Tre Urat, Përmet, pasi kishte fshehur lëndën narkotike në një vend të përshtatur në shasinë e mjetit.
Njoftimi i policisë:
Tre Urat, Përmet.
Goditet një rast i tentativës për trafikim të lëndëve narkotike.
Sekuestrohen 13.5 kilogramë lëndë e dyshuar narkotike Cannabis Sativa.
Arrestohet në flagrancë një shtetas .
Më datë 09.12.2017, në kuadër të planit të masave për parandalimin dhe goditjen e trafikut të lëndëve narkotike, në Pikën Kufitare Tre Urat, Përmet, shërbimet e Policisë Kufitare në bashkëpunim me shërbimet doganore kanë evidentuar dhe goditur një rast të tentativës për trafik të lëndëve narkotike.
Në dalje të Republikës së Shqipërisë është paraqitur shtetasi J. H. me automjetin e tij.
Pas përfundimit të procedurave të kontrollit të dokumentacionit, punonjësit e Policisë Kufitare, e kanë kaluar automjetin në vijën e dytë për një kontroll më të imtësishëm.
Gjatë kontrollit të ushtruar në vijën e dytë, në një vend të përshtatur në shasin e mjetit u gjet lëndë e dyshuar narkotike Cannabis Sattiva.
Pesha totale e lëndës rezultoi 13.5 kg, e cila u sekuestrua në cilësinë e provës materiale.
Nga specialistët e seksionit të Hetimit të Narkotikëve në D.V.P Gjirokastër u bë arrestimi në flagrancë i shtetasit :
- H, 36 vjeç , banues në fshatin Mashkullorë, Gjirokastër.
Materialet proçeduriale i kaluan Prokurorisë së Rrethit Gjyqësor Përmet për veprën penale “Trafikimi i narkotikëve “, parashikuar nga neni 283/a i Kodit Penal.
