Strategjia e re e Suning: Nga “San Siro” tek Icardi. Po Milani?!

Në një editoral të sajin në ditën e sotme La Republica flet për strategjinë e re të Suning tek Interi e cila ka filluar prej disa kohësh. Kinezët e Interit dolën më seriozë nga të Milanit dhe kanë ndikuar në rritjen e klubit duke i strukturuar gjërat mbas radhës. Suning synon popullaritet të madh dhe këtë po e synon ta marrë përmes rrjeteve sociale, ku kanë hartuar një program të ri dhe zëvendësimin e qendrës stërvitore duke e sjellë 1 km larg stadiumit “San Siro”. Po ashtu vazhdojnë bisedimet me bashkinë e Milanos për të ndërtuar një stadium të ri, për aq kohë sa Milani nuk është në gjendje të bëjë një hap të tillë, por problemi janë sërish kuqezinjtë që nuk kanë dhënë akoma një strategji për këtë çështje. Nga ana tjetër fuqia financiare e Zhang Jindong përjashton çdo mundësi të ndonjë largimi big nga ekipi. Por e kundërta është duke ndodhur në anën tjetër të Milanos, ku Milani me pronarët e rinj nuk ka gjetur akoma stabilitetin e duhur dhe rrezikon të dënohet nga UEFA sa i përket shpenzimeve të mëdha të merkatos, por që nuk janë të justifikueshme.SOCIAL – Ashtu siç e përmend La Republica, Interi është e para në Europë përsa i përket rritjes së ndjekësve në platformat Sociale. Në përgjithësi është kolonizuar webi, një mbledhës fondesh për të gjitha klubet që duan të jenë në majë. Në muajt e fundit Interi që ka filluar të punojë në mënyrë fitimprurëse në platformat Sociale (ka arritur shifrën 7 milion në Facebook, por është shumë larg ekipeve si Real e Barcelona që numërojnë mbi 100 milion ndjekës) është në majë të atyre që ka rritur më shumë numrin e ndjekësve me 4,5% vetëm në muajin e fundit përpara Monacos, Tottenham e City, ndërsa PSG me Neymar është e gjashta dhe Juventus e shtata.QËNDËR E RE SPORTIVE – Flitet për një investim prej 100 milion Eurosh për rikualifikimin e qendrës Piazza d’Armi në Milano një kilometër larg nga San Siro duke u larguar përfundimisht nga Pinetina dhe duke e bërë qendrën e re më komode për pritjen e tifozëve që vijnë nga jashtë dhe duan të ndjekin ndeshjet dhe të përfitojnë nga shërbimet ekstra siç është takimi me lojtarët përpara ndeshjeve apo dhe ndjekja e stërvitjeve në mesjavë. Pritet miratimi i Bashkisë Milano me të cilën vazhdojnë bisedimet edhe sa i përket stadiumit.SAN SIRO I RI – Interi i ka propozuar drejtuesit të Bashkisë Beppe Sala (tifoz i zjarrtë Interist) një projekt për të ribërë tërësisht stadiumin dhe zonat përreth. Ideja është të reduktohet numri i tifozëve jo më shumë se 60-të mijë spektatorë dhe për tu ribërë e gjithë zona e rrethit të tretë. Bashkia ka bërë me dije se është e gatshme për një rikualifikim të të gjithë zonës për rreth stadiumit por deri në momentin që Milani nuk merr një vendim dhe çdo gjë është e ndaluar. Interi propozon që pjesa e rrethit të tretë të kthehet e gjitha në një tjetër formë, e mbushur me restorante dhe pika shërbimi për tifozët.MERKATO – Luhet shumë pak në calcio merkato nga Suning. Deri në momentin që nuk priten investime të mëdha në Janar po ashtu dhe në verë, por vetëm nëse vjen kualifikimi në Champions League, klubi duhet të auto financohet në merkato dhe të jetë i kujdesshëm në operacionet dalëse. Ndërkohë asnjë emër i frikshëm, ndërkohë që nuk ka asnjë shitje të frikshme. Dhe në këtë sens mos rinovimi i klauzolës prej 110 milion Eurosh për Icardin në një merkato ku Dembele u shit për 105 milion bën të mendosh se: nëse Suning nuk pret gjë tjetër veç një oferte nga Real Madrid, si mund te sistemohen shumë gjëra të tjera ne skuadër? TIRANA TODAY