Në Kryesinë e Kuvendit ka nisur hedhja e shortit për anëtarët e Këshillit të Emërimeve në Drejtësi, ku janë zbuluar edhe emrat e parë të të përzgjedhurve.
Kështu, Besnik Imeraj dhe Altina Xhoxhaj janë përzgjedhur si anëtarë të KED nga lista e Gjykatës Kushtetuese, ndërsa Vitore Tushaj është përzgjedhur anëtare zëvendësuese po nga kjo listë.
Po ashtu, Artan Broci është përzgjedhur si anëtar nga lista e Gjykatës së Lartë, ndërsa anëtari zëvendësues u zgjodh Shkëlzen Selimi.
Rovena Gashi u zgjodh pa short anëtare e KED si e vetmja kandidate nga Prokuroria e Përgjithshme.
Gentjan Trenova dhe Fatjona Mençe u përzgjodhën gjithashtu pa short si anëtarë të KED nga prokurorët pranë Gjykatës së Apelit.
As për anëtarin zëvendësues të Prokurorisë nuk u hodh shorti, pasi nuk pati kandidatë. Drejtuesja e shortit, Vasilika Hysi tha se nuk do të ketë anëtarë zëvendësues për këtë institucion.
Megjithatë, duhet thënë se mbledhja për hedhjen e shortit është shoqëruar me debate mes palëve politike.
Kështu, teksa është bërë gati të niset procedura e hedhjes së shortit, opozita ka pretenduar se ajo po bëhet në shkelje të ligjit:
Deputeti i PS-së, kreu i komisionit të Ligjeve, Ulsi Manja ftoi opozitën të bëhet pjesë e procesit:
“Kërkoj mirëkuptimin e opozitës që nëse duam të mos humbim kohë në krijimin e organeve të reja të sistemit të drejtësisë, hajdeni, i bëmë ndryshimet kushtetuese me konsensus, bujrum të zhbllokojmë ligjin. Boll kanë pritur shqiptarët për të pasur atë sistem drejtësie që duhet. Për mua ky debat është më tepër politik, e lëmë te salla e ditës së enjte”, tha Manja.
Deputetja Hysi, ka theksuar se Kryetari i Kuvendit ka të drejtë të bëje vetëm një procedurë, hedhjen e shortit, “ju dilni kudo të flisni, në studio e ta diskutojmë, të vazhdojmë me procesin”.
Pas kësaj ka reaguar Halimi:
“Reflektoni tha kryetari i Ligjeve, diskutimi mes meje dhe Manjës është teknik. Qëndrimi ynë është që Këshilli i përkohshëm i Emërimeve në Drejtësi ishte vetëm për vitin e kaluar nuk ka më këshill të përkohshëm të emërimeve. E ka të qartë dispozita, nuk e them vetëm unë, Xhafaj një vit më parë ka thënë, më 13 shkurt ia ka dërguar shkresën në ambasada dhe i thotë dispozita kalimtare rregullon çështje të veçantë”, tha ai.
Edhe deputeti i LSI-së, Nasip Naço ashtu si PD e ka quajtur antikushtetues shortin:
“Ligjet i kemi pasur po nuk i keni zbatuar korrekt, Kjo që kërkon kryetari i Kuvendit ekstra procedurë, që thotë jam burri më i mirë në botë. Shortin e keni hedhur se nuk u ranë gjyqtarët që donit ju”, tha ai.
Presidenti Ilir Meta më parë kishte refuzuar të hidhte shortin për anëtarët e Këshillit të Emërimeve në Drejtësi, për shkak se mungojnë organet e tjera të drejtësisë.
Gjykata Kushtetuese
1. Besnik Imeraj
2. Altina Xhoxhaj
3. Vitore Tusha (ZV)
Gjykata e Larte
1. Artan Broci
2. Shkelzen Selimi (ZV.)
PROKURORIA E PËRGJITHSHME
1. Rovena Gashi
PROKURORET PRANE GJYKATAVE TE APELIT
1. Gentian Ternova
2. Fatjona Memeçaj
vijon…
