Martesat e të njëjtit seks do të bëhen të ligjshme në Australi pas kalimit të një projektligji në Dhomën e Përfaqësuesve. Shumica e deputetëve votuan për të ndryshuar aktin e martesës, tetë ditë pas një rezolute të ngjashme vendimtare në Senat.
Votimi ngjalli reagime të menjëhershme në parlament, duke pasuar me brohoritje dhe duartrokitje. Rezultati i jep fund një debati të gjatë që ka zgjatur më shumë se një dekadë, lidhur me martesat e të njëjtit seks.
“Çfarë dite për dashurinë, për barazinë, për respektin”, tha kryeministri Malcolm Turnbull.
Legjislacioni kaloi në parlament pa ndryshime, teksa australianët e mbështetën reformën në një masë të madhe me anë të një sondazhi vullnetar kombëtar.
Guvernatori i përgjithshëm i Australisë pritet të miratojë projektligjin në ditët në vijim, duke shënuar kalimin e tij zyrtar në ligj.
Më herët, shumë mbështetës të projektligjit ishin mbledhur jashtë parlamentit, mes tyre avokatë të shquar të martesës të së njëjtës gjini, duke përfshirë edhe kampionin olimpik të notit Ian Thorpe dhe komedianin Magda Szubanski.
Shumë senatorë dhe deputetë treguan histori personale teksa shpjeguan se përse e mbështesin ligjin, ndërsa fjalimi i një deputeti përfundoi me një propozim martese ndaj partnerit të tij. TIRANA TODAY
