Të gjithë ishin shprehur se Gatusso ishte me fat që do ta niste në këtë mënyrë kampionatin, pasi ndeshja e parë ishte kundër Beneventos. Ndërsa vetë Gatusso mund ta kishte menduar në çdo lloj forme këtë ndeshje, por vetëm që të barazohej në minutën e 95’ jo, aq mëkeq me një gol nga portieri. Jo vetëm tekniku që kishte ndeshjen e parë me “djallin”, por asnjë mendje e çmendur nuk mund ta imagjinonte një fund të tillë, por kjo nuk mund të thuhet për një tifoz të Beneventos.
Mediat italiane kanë publikuar një video që tashmë është bërë virale. Ku një tifoz i ekipi ku luajnë dy futbollistët shqiptarë, Berat Gjimshiti dhe Ledian Memushaj, e parashikoi që Benevento do realizonte për të marrë pikën e parë në kampionat.
Ai hapi kamerën dhe u shpreh: “Po bëj një video para se të realizohet goli”– dhe për çudi kështu ndodhi. Më pas shihet dhe dëgjohet festa e çmendur që përjeton pas golit në shkallët e stadiumit.
