Moti i keq ka prekur edhe Greqinë duke detyruar pezullimin e transportit detar.
Kështu, erërat e forta me shpejtësi 8-9 ballë sipas shkallës Bofort kanë shkaktuar pezullimin e transportit detar në shumë porte të Greqisë, si në Gjirin e Argo-Saronicut. Ndërkohë, linja Pahi Megaron-Faneromeni Samalimas është e mbyllur, linja Kavala-Prinos është pezulluar, ndërsa ato mes Keramotit dhe Thasosit funksionojnë.
Në Rafina, lundrojnë vetëm anijet e kompanisë ‘’Marmari line’’, ndërkohë që shërbimi I trasportit detar nga Lavrio është pezulluar.
Autoritetet këshillojnë pasagjerët që të kontaktojnë autoritetet portuale në rast të nevojës për të udhëtuar.
