Handanoviç-Inter, bashkëjetesa do të vazhdojë deri në vitin 2021

Interi ka rinovuar kontratën deri në vitin 2021, me gardianin slloven Samir Handanoviç. Lajmi është bërë publik nga faqja zyrtare e klubit, ku diskutimet për rinovimin e tij kishin kohë që kishin filluar. Handanoviç u bashkua me zikaltërit në sezonin 2012-2013 dhe që atëherë ka dhënë një siguri të madhe në portë. Deri tani slloveni numëron 195 paraqitje me bluzën e Interit dhe e presin shumë të tjera pas rinovimit.Ky lajm konfirmon seriozitetin e drejtuesve të skuadrës për të krijuar një ekip fitues që tifozët aq shumë e presin dhe e dëshirojnë. “Ndihem i privilegjuar që jam portieri i Inter. Është një nder të bëj pjesë në historinë e portierëve të këtij klubi. Këtu ka pasur numra 1 të jashtëzakonshëm dhe me këtë rinovim uroj që edhe unë të kujtohem si i tillë” – deklaroi për “Inter TV” gardiani i portës zikaltër.