Igli Tare është dënuar nga disiplina me një javë pezullim nga të gjitha detyrat federale, ku i ndalohet të përfaqësojë shoqërinë dhe mbi të do të rëndojë një gjobë 10 mijë euro. Kjo masë ndëshkimore erdhi nga gjykatësi sportiv i Federatën Italiane të Futbollit, për sjelljen e tij ndaj gjyqtarit kryesorë Davide Masa në përballjen e kësaj fundjave ndaj Fiorentinës në “Olimpico”. Ndeshje që përfundoi me rezultatin 1-1, pasi gjyqtari i tij akordoi një 11-metërsh në fundin e takimit. “Reagimi i Tares, që i kërkonte llogari kryesorit për atë vendim, ishte agresiv dhe kërcënues dhe zgjati deri në momentin kur trupa gjykuese u fut në dhomat e zhveshjes”. Ky ka qenë argumentimi i gjykatësit sportiv për masën ndëshkimore ndaj drejtorit sportiv të Lazios.
Dënimit nuk i ka shpëtuar as Daniele De Rosi, i cili goditi me shpullë sulmuesin e Xhenoas, Lapadulën. Mesfushori është dënuar me dy javë pezullim, dhe përveçse ndëshkoi Romën, me penalltinë që shkaktoi, tashmë nuk do të jetë as për 2 javë në shërbim të trajnerit Di Françesko.
